Новиот премиер на Државниот совет на Народна Република Кина, Ли Кианг, приоритет ќе му даде на развојот на партнерството со Руската Федерација, увери кинескиот претседател Шји Џинпинг на средбата со премиерот Михаил Мишустин, пренесува руски РИА Новости.
„Господинот Премиер на Државниот совет Ли Кианг ќе продолжи да дава приоритет на сеопфатното стратешко партнерство меѓу Кина и Русија“, истакна кинескиот лидер.
President Vladimir Putin welcomed Xi Jinping, China’s top leader, to Russia, briefly noting Beijing’s peace plan for Ukraine but stressing Moscow and Beijing’s enduring partnership. https://t.co/0nnKMlL6Tp
— The New York Times (@nytimes) March 21, 2023
Тој додаде дека шефот на Државниот совет има намера да му даде приоритет на воспоставувањето блиски работни контакти со шефот на руската влада.
Шји Џинпинг повика и на продолжување на традицијата на редовни средби меѓу премиерите на двете земји.
Кинескиот претседател Шји Џинпинг од 20 до 22 март престојува во Москва во државна посета на покана на рускиот претседател Владимир Путин. Русија стана првата земја што ја посети откако беше реизбран на 10 март за трет мандат од Националниот народен конгрес (Парламентот).
На 11 март, Ли Кианг беше избран за нов шеф на Државниот совет на Народна Република Кина. Тој го наследи Ли Кечијанг, кој го води кабинетот од 2013 година.
