Поранешниот натпреварувач на српското музичко шоу „Ѕвездите на Гранд“, Македонецот Александар Темелков, тврдеше дека неговата менторка Вики Миљковиќ му побарала мито, а откако таа поднесе опомена пред тужбата поради невистини, тој сега се правда дека сè било погрешно разбрано.
Вики Миљковиќ се огласи јавно и ги демантираше тврдењата дека некогаш барала пари од него, а сега и Темелков се огласи и вели дека тој никогаш не го кажал тоа, туку сè било извадено од контекст
– Драги мои фанови, обожаватели и следбеници, сакам да се огласам по повод случајот со мојата поранешна менторка Вики Миљковиќ. Досега не сум навредил ниту нападнал никого во мојата кариера, а најмалку би ја нападнал мојата поранешна менторка Вики Миљковиќ. Бев погрешно разбран поради мојата констатација во едно интервју и за тоа им се извинувам на сите што погрешно ја протолкуваа мојата изјава. Не нападнав никого и не упатив погрдни зборови ниту навреди, особено не на сметка на мојата поранешна менторка, ниту на сметка на „Гранд продукција“. Затоа на сите кандидати им посакувам многу среќа во понатамошното натпреварување – рекол поранешниот учесник во видеото што го сподели на социјалните мрежи.
Да потсетиме, во текот на вчерашниот ден, Вики објави фотографија на која се гледа дека покренала постапка против него, односно опомена пред тужба.
