Татјана Матејаш Тајчи, некогаш голема југословенска ѕвезда, живее во Америка повеќе од три децении. По Њујорк, Лос Анџелес и Синсинати, нејзиниот дом сега е во Нешвил, главниот град на државата Тенеси.
Тајчи е мајка на три сина Блез, Еван Амадеус и Данте, а по смртта на нејзиниот сопруг во нејзиниот живот влегол нов маж. Таа официјално го претстави својот партнер на ХРТ, во документарно-патувачката емисија „Среќни градови“. Станува збор за американскиот гитарист, кантавтор и пејач Дејвид Ленгли.
– Дејвид е мојот партнер, сега не би зборувала премногу за тоа, но да, ние сме партнери. Љубовта е љубов, можеби во позрели години е малку поголема, помирна и поодговорна затоа што растеме како личности и луѓе. Тоа е сè што можам да кажам – открила Тајчи за „Стори“.
Некогаш исклучително популарната пејачка, чиј евровизиски хит „Хајде да лудујемо“ сè уште со радост се пее на разни забави, во 2017 година стана вдовица. Нејизниот сопруг Метју Камерон ја загуби битката со ракот на белите дробови на 47-годишна возраст. Тие беа во брак 17 години и имаа три сина.
View this post on Instagram
„Веќе не те боли. Веќе не си врзан со човечки ограничувања. Сега тој е навистина слободен. Ќе црпиме сила и радост од сè што е и од она што ни го дал. Данте го направи ова видео и го нарече татко“, напишала тогаш Тајчи својот Фејсбук.
Инаку, Тајчи сè уште се занимава со музика, а пред извесно време ја заврши обуката за животен тренер во Центарот Чопра.
