По 16 години брак, Јелена и Душко вчера и официјално се разведоа.
Јелена Карлеуша за првпат по разводот со Душко Тошиќ јавно проговори.
Таа за време на гостувањето на ТВ „Курир“ зборуваше за тоа како се чувствува по завршувањето на разводот, како сето тоа влијаело на нивните ќерки Атина и Ника, а не можеше да го избегне и одговорот за новиот партнер.
– Прво, откако памтам за себе мене сите ми велеа дека сум луда. Тоа што постојано ме карактеризираат како луда, за мене значи дека сум гордо луда, затоа што се разликувам од стереотипот за жена. И јас немам женски мозок. Неодамна кажав, за некој да стои до мене, да седи до мене мора да е луд. Дури тогаш ќе кажам дека има некој. Се додека некој е во моја сенка, нема да спомнувам партнери. Можеби тоа беше проблемот со мене и Душко. Никогаш не застана покрај мене. Никој не ја знае вистинската јас, но она што луѓето го знаат е дека сум храбра – изјави Јелена на ТВ „Курир“.
Врската со Душко на крајот од бракот не е пријателска, а еве како пејачката ја коментираше неговата изјава.
„Верувам дека неговата изјава ја напишал прекрасен човек, неговиот адвокат Никола. Го познавам и знам како дише. Тоа значи дека сега е доцна за таква врска. Ова се приказни за мали деца, секој си има свој праг на толеранција, јас сум навистина толерантна, но сѐ си има своја граница, дури и кога се во прашање машко-женските односи. Дури и децата не треба да бидат причина за ова. Многумина сега би рекле дека тоа е мудро. Се трудев да си го разубавам животот што е можно повеќе, да ја гледам позитивната страна. Сепак, решив, ги имам сите причини да кажам, таква сум. Кога ќе се скрши, тоа е решено“, изјави Јелена Карлеуша.
