По скандалот предизвикан од изборот на Монголка и Германец за српски претставници во изборот за мис и мистер, сега повторно се крена прашина на мрежите поради момче од српско потекло. Станува збор за Петар Гочобија, кој ќе ја претставува Норвешка на изборот за мистер.
Петар Гочобија има 22 години, роден е во Србија, а живее во Норвешка. Тој зборуваше за своето потекло за време на официјалното претставување за натпреварот „Мистер Универзум“, а покажа и фотографии кои ги зачувуваат неговите спомени од татковината.
Инаку, тој е студент на последна година по медицина и веќе работи интензивно во професијата, а покрај тоа, има голема страст за спортот, па затоа поголемиот дел од слободното време го поминува во теретана.
На Инстаграм има околу 30.000 следбеници, додека на Тикток има повеќе од 200.000 следбеници.
Петар рече дека во Србија научил колку се важни дисциплината, работата, почитта кон другите и скромноста.
На официјалната инстаграм-страница на Мистер Универзум, го претставуваат како совршен баланс на сила, скромност и јасна цел.
