Ксенија Пајчин и денес ја паметиме како една од најубавите пејачки на естрадата во регионо, а покрај тоа, зад себе остави и голем број хитови. Еден од најголемите хитови му го посветила токму на својот поранешен партнер, во кого била лудо вљубена.
Станува збор за песната „Свиђа ми се он“, а пејачката толку ја изгубила главата по осум години постариот фудбалер што во спотот ги вклучила и кадрите од неговите победи. Ксенија не ги криела своите чувства, а во далечната 1997 година на сите им стана јасно колку ѝ се допаѓа Предраг Мијатовиќ.
View this post on Instagram
„Тој ми се допаѓа, веќе ништо не е како порано, сонувам облаци и сите личат на него – навистина не знам што ми е“, гласеа зборовите на песната која Ксенија тогаш ја пееше.
Иако никогаш јавно не зборувале за нивниот однос, се шпекулираше дека тајно се гледала со фудбалерот, а неговото прикажување во спотот дефинитивно ја поттикна приказната дека меѓу нив постои нешто повеќе. За нивната љубов знаеле сите, а иако емоциите биле силни, нивната врска била краткотрајна.
– Во љубовта сум страсна, не сум посесивна, ниту романтична, и не сум љубоморна! Не сум манипулаторка, освен ако некој тоа не ми го дозволи, но не сакам многу да зборувам. Ако ме сака, сè ќе разбере. Кога раскинувам, на дечкото му велам дека е мајмун и да ме остави на мир, затоа што не можам да го поднесам. Шега на страна, долго време сум во овој бизнис и секогаш имало момци кои се борат за нешто, а ни сами не знаат за што… Мажите секогаш имале проблем со тоа што сум само своја. Тоа најмногу пречи во каков било однос, затоа треба да имаш вистински луѓе покрај себе. Генерално, многу патам и сум многу емотивна – вака зборуваше Ксенија Пајчин на тема љубов.
Кобната љубов со манекенот
Се запознале во јули 2008 година на црногорското приморје, каде што се вљубиле на прв поглед. Меѓу нив веднаш се појавиле искри, па набрзо започнале врска.
Српската пејачка Ксенија Пајчин повеќепати јавно зборуваше дека ниту еден маж не ја сакал и не се грижел за неа како Филип, и покрај тоа што таа била значително постара од него.
„Никогаш никој не ме сакал толку како Филип. Не мора ни да зборуваме, доволно е само да се погледнеме. Тој ме познава подобро отколку што јас самата се познавам“, изјавуваше Ксенија, а пренесуваа српските медиуми.
Поради силната потреба постојано да бидат заедно, нивните кавги станувале сè поинтензивни и почести кога се разделувале поради деловни обврски. Раскинувањата им биле како „добар ден“, а токму кога и двајцата ќе помислеле дека повеќе нема помирување и дека секој ќе продолжи со својот живот, повторно се враќале еден на друг.
Блиските пријатели на Ксенија тврделе дека Филип знаел да биде исклучително нежен и внимателен, но и импулсивен и склон кон драматизирање.
Нејзината најголема поддршка, пријателот Горан Стојиќевиќ Карамела, раскажал дека Филип во моменти на очај знаел да му каже: „Без Ксенија не можам да живеам, ќе се убијам ако ме остави.“
Пријателите често ја советувале пејачката навреме да го остави Филип, пред да биде предоцна, но и покрај бројните совети, Ксенија не ги послушала своите најблиски, туку се водела исклучиво по срцето.
Во вторник, на 16 март 2010 година, ФИлип ја убил Ксенија во нејзиниот стан на Вождовац, а потоа си го одзел животот. Нивните тела биле пронајдени со прострелни рани.
Според извори блиски до истрагата, било утврдено дека телото на Ксенија се наоѓало во ходникот, а на Филип во собата, до него имало пиштол. Пејачката имала влезна и излезна рана на главата, додека манекенот имал само излезна рана на темето, што укажувало дека Филип ја убил Ксенија, а потоа пукал во себе. Се шпекулираше дека се расправале со денови пред трагедијата, а дека по кобната расправија Ксенија облекла јакна и тргнала да излезе од станот, но Филип ја убил на вратата.
Само 48 часа пред трагедијата, парот беше виден заедно во јавност. На интернет се појави снимка од емисија во која Ксенија гостувала, а Филип ненадејно влегол во студиото и ѝ донел цвеќе.
Многумина тогаш коментирале дека изгледаат среќно и вљубено, а нивните насмевки пред камерите делувале како да ги надминале несогласувањата. Сепак, зад сцената работите не биле толку идилични.
Ксенија и денес многумина ја паметат како весела и амбициозна личност. Во разговор со луѓе чии најблиски почиваат во близина на пејачката, екипата на српски Курир дознала дека секоја година – ако не баш на денот на смртта на Ксенија, тогаш ден порано или подоцна – доаѓа едно момче кое минува повеќе од 300 километри во еден правец за да дојде, да ѝ оддаде почит и да остави цвеќе на Ксенија. Момчето е од Лесковац и секогаш доаѓа само, и тоа во раните утрински часови.
На гробот на покојната пејачка доаѓало и едно момче од Македонија, за кого не се познати повеќе детали.
