Меѓу многуте личности кои во последните денови се изјаснија за шлаканицата на Вил Смит упатена на Крис Рок за време на ноќта на Оскарите, се огласи и комичарот Били Кристал. Инаку Кристал има огромно искуство во водењето на девет Оскар настани ( 1990, 1993, 1997, 1998, 2000, 2004 и 2012 година). Многумина се надеваат дека ќе се врати како водител зашто неговите скечеви на Оскарите се меѓу најценетите, а единствено Боб Хоуп бил водител на повеќе Оскари од него (19).
Појавувајќи се во шоуто Back on the Record на HBO Max, Кристал го нарече она што се случи на сцената на Оскарите „навистина вознемирувачки инцидент, без сомнение. Тоа беше напад“.
Актерот продолжи: „За време на претпродукцијата на Оскарите работев со извонредниот Гил Кејтс. Тој беше продуцент на шест од деветте изданија што ги водев. Заедно секогаш размислувавме за целата церемонија. Според искуството на Кристал, водењето на Оскарите вклучува и еден вид контрола. А така е и со водењето на Греми наградите. Кристал дава еден пример: за време на едно од изданијата на Греми кое го водел Кристал, комичарот Џеки Мејсон направил многу провокативна шега, предизвикувајќи слична реакција кај Литл Ричард како онаа предизвикана кај Вил Смит. Но, Кристал веднаш бил испратен на сцената за да ја ублажи ситуацијата, и тој тоа го направи со многу смешна шега измислена во истиот миг.
