Пекинг повеќе не крие и јасно и разбирливо го покажа ставот која страна ја зазема. Најави дека соработката со Москва продолжува и се продлабочува, во заеднички интерес на двете земји.
Кина е посветена на продолжување на развојот на соработката со Русија и во воениот технолошки сектор: рече кинескиот амбасадор во Москва, Џанг Ханхуи во интервју за Тас објавено на веб-страницата на дипломатската мисија, прецизирајќи дека оваа посветеност „е во согласност со взаемните фундаментални интереси“ и го почитува „принципот на взаемна корист“.
Џанг истакна дека „Кина придава големо значење на развојот на соработката во воената технологија меѓу двете земји, носејќи ја на повисоко ниво и пошироко поле“, пренесува новинската агенција Анса.
