Хрватската пејачка Јелена Розга го осуди прекумерното користење на естетски зафати, нагласувајќи дека природната убавина нема цена.
Розга, која ужива во врската со Иван Хуљиќ, кој е 11 години помлад, им порача на девојките да внимаваат на кого се восхитуваат и кои им се пример.
– Сè што е умерено е убаво. Кога гледам убави девојки со совршени црти на лицето, не можам да разберам зошто се уништуваат со големите усни. Не би рекла дека не е убаво, туку дека е маскарадно. Навистина не треба да изгледаат како онаа девојка на Инстаграм што сите ја гледаат – тие се природно убави и не треба да се менуваат – го изнела својот став пејачката.
Иако често добивала комплименти за својот изглед и нозе, Розга признава дека не ги гледа како главна мерка за вредност.
– Не се оптоварувам кога некој ќе напише нешто грдо за моите нозе. Тие се вистински балетски, резултат на 12 години балет. Важно ми е да се чувствувам добро во сопствената кожа, а што мисли или коментира некој – не ми е важно – изјавила Розга за „Блиц“ и додала дека многу води сметка за своето тело.
– Се негувам и внимавам на мојата кожа отсекогаш. Не сум била на сонце речиси 20 години, иако би сакала да добијам исончан тен. Со мојата светла кожа, веднаш горам, што предизвикува чешање и проблеми. Затоа одлучив да останам вака убаво бела. Редовно одам на третмани и ја негувам кожата дома. Уживам во кремовите, маслата и маските за лице, затоа што потоа моето тело и дух се освежуваат – објаснила Розга.
