Илон Маск, еден од најбогатите луѓе во светот, е близок со Андреа Бочели, меѓународно познат италијански (оперски) пејач, кој неодамна ја загуби својата сакана мајка.
„Con te partirò“, напиша сопственикот на Тесла на Твитер, наведувајќи една од најпознатите песни на 63-годишниот тенор.
Во наредниот коментар тој додаде „Аве Марија“, означувајќи го самиот Бочели кој меѓу многуте интерпретации ја изведува и песната за Богородица.
Con te … partirò
— Elon Musk (@elonmusk) May 29, 2022
Објавата на Маск беше поддржана со восхит и од неговите следбеници, но и од следбениците на Бочели, кои изразија сочувство на еден од најпознатите и најценетите пејачи во светот, по смртта на неговата мајка.
И во минатото Илон се декларираше како голем обожавател на музиката на тосканскиот уметник: „Мислам дека „Con Te Partiro“ е неверојатно убава песна. Навистина е смирувачка. И навистина е прекрасна! И, се разбира, Андреа Бочели е едноставно неверојатен пејач“, кажа своевремено Маск.
