Во Чиле вчера беше најавено ново телевизиско реално шоу за готвење, „Ел Интернадо“ („Интернат“), кое ќе го води 49-годишната Тонка Томичиќ Петриќ, позната чилеанска ТВ-водителка со хрватско потекло.
View this post on Instagram
Емисијата, која наскоро ќе ја лансира приватната телевизија Мега, ќе го следи натпреварот на 18 познати личности од Чиле и странство – но повеќето од нив имаат мошне малку или нималку познавање од готвењето.
Тонка Томичиќ Петриќ ќе ја води програмата заедно со професионалната готвачка Јана Јивин.
View this post on Instagram
Пред премиерата, водителката се присетила на своите корени и вкусови од детството.
„Ги обожавам традиционалните хрватски слатки и пити што ги правеа баба ми и мајка ми“, рекла таа.
Нејзините родители, Марија и Антонио, се по потекло од островот Хвар – исто како и чилеанскиот претседател Габриел Бориќ Фонт.
Чиле денес има околу 200.000 Хрвати и нивните потомци. Првите емигранти пристигнале во втората половина на 19 век, претежно на бродови од Далмација, во потрага по работа и подобар живот.
View this post on Instagram
Родена во Сантијаго, Тонка Томичиќ Петриќ се прослави уште во 1995 година, кога го претставуваше Чиле на изборот за Мис на светот. Оттогаш, таа изгради успешна телевизиска кариера, а нејзината биографија открива широк спектар на интереси – на својот јутјуб-канал таа се опишува себеси како „дизајнерка, модел, забавувачка, танчарка, готвачка, страсна читателка, речиси секојдневна вежбачка, сестра, пријателка, тетка, ќерка и љубителка на кучиња“.
Тонка има повеќе од 1,5 милиони следбеници на Инстаграм.
View this post on Instagram
