Принцезата Kејт Мидлтон денеска го слави својот 43. роденден. По најтешката година зад себе, принцезата го прославува роденденот опкружена со најблиските, а нејзиниот сопруг, принцот Вилијам ѝ честиташе со најемотивната порака досега.
Имено, на официјалниот инстаграм-профил на принцот и принцезата пристигна порака од Велс која никој не ја очекуваше. Наместо формална честитка во која се споменува нејзината титула и возраст, според многумина следеше неочекуван излив на емоции од принцот Вилијам.
„На најневеројатната сопруга и мајка. Силата што ја покажа во текот на изминатата година е извонредна. Џорџ, Шарлот, Луис и јас сме толку горди на тебе. Среќен роденден, Кетрин, те сакаме”, напиша принцот Вилијам во честитката.
На роденденските честитки се придружија и кралот Чарлс и кралицата Камила, кои објавија фотографија на заедничкиот инстаграм-профил на кралското семејство и испратија топли зборови. Тие споделија фотографија од Кејт од божиќната забава во Сандрингем, на која таа е во прекрасен темнозелен фустан со букет цвеќе. Накратко напишаа: „Среќен роденден на принцезата од Велс“.
View this post on Instagram
