Српската водителка Марија Килибарда се породи во октомври минатата година и ја доби ќерката Сења.
Иако не сака да објавува фотографии од наследничката на социјалните мрежи, ниту пак, јавно да ја експонира, Марија Килибарда сега направи исклучок и објави пост на која се гледа како ја држи Сења в раце.
Водителката ја однела наследничката на концерт во Филхармонија за најмладите и во таа пригода рекла колку ќерка ѝ уживала во класичната музика.
– Прекрасно искуство. Најубавите концерти за нашите најмлади. Со нетрпение го очекуваме новиот, септемврискиот циклус – напишала водителката, откривајќи колку двете уживале во него.
Свекрвата на Марија, познатата српска актерка Љиљана Драгутиновиќ, се огласи за „Блиц“ откако доби внука.
„Мајката е добро, бебето е добро, се слушнав со Марија. Сè е супер! Имаше солзи радосници, пресреќни сме“, рекла Љиљана за „Блиц“ и открила дека веќе почнале да слават во семејниот дом по повод приновата.
Инаку, Марија Килибарда е во хармонична врска со Бане веќе четири години.
Бранислав никогаш не се експонирал јавно, па на профилот на Марија само понекогаш можете да видите нивна заедничка фотографија.
Килибарда во неколку наврати истакна дека токму тој е нејзин најголем поддржувач.
