Српската ѕвезда Јелена Карлеуша со години е вегетаријанец, откако, како што вели, сфатила колку животни умираат заради човечката исхрана. Оттогаш таа се бори за правата на животните, а месото не е добредојдено во нејзината куќа.
Но, порано не било така, а доказ за тоа е шоуто со Наташа Илиќ во кое Јелена подготви неколку јадења, меѓу кои и свинско филе. Рецептот на Јелена Карлеуша за ова јадење со месо тогаш ги воодушеви сите, бидејќи е брз и лесен за подготовка, а многу вкусен.
Како што открива таа, несомнено било едно од омилените јадења на Душек од кујната на Јелена, но очигледно е дека поп-дивата никогаш повеќе нема да го подготви, бидејќи одамна се префрли на вегетаријанска исхрана.
– Никогаш не сум болна и верувам дека за тоа е заслужна исхраната без месо. Јадам многу овошје и зеленчук. Многумина ќе се изненадат, но јас никогаш не сум пиела кафе. Пијам три литри вода дневно, а слаткото презирам. Сето тоа придонесува за мојата витка линија – изјавила еднаш Јелена.
Рецепт на Јелена Карлеуша за свинско филе
Состојки:
– 4 свински филети
– лук
– 1 дл бело вино
– мешавина од зачини
Подготовка:
Крупно исечкајте неколку чешниња лук, ставете ги во тавче со преполовени филети, сè посипете со мешавина од зачини, па пржете на средна температура околу пет минути. После тоа, додадете бело вино по вкус и оставете го да врие околу дваесет минути. Јелена со филето послужи цели печурки динстани во путер.
