Оливија Дабровска беше дете кога стана светска легенда во филмот потпишан од Стивен Спилберг, а денес е на украинската граница за да го поддржи населението.
„Таа отсекогаш била симбол на надежта. Нека биде повторно!“. „Таа“ е Девојката во црвено палто од оскаровскиот филм „Шиндлеровата листа“. Денес тоа палто стана сино, а луѓето околу неа се обоени во жолта нијанса. Симболот на надежта денес е посветена на Украина.
Оливија Дабровска, која повеќе не е тригодишното девојче од Полска, протагонистка на филмот кој ја раскажува приказната за германскиот претприемач кој спасил илјадници Евреи, сега е возрасна жена. Таа има 30 години и избра да биде покрај украинското население како волонтер.
Објавува на социјалните мрежи животни вистини од полско-украинската граница, каде што ги пречекува бегалците кои пристигнуваат, ги снабдува со основни потреби, и им помага да најдат превоз до нивните дестинации.
View this post on Instagram
Во последните денови, Оливија беше во Корчова, граничниот премин најблиску до Јаворов (Јаворив), меѓу градовите бомбардирани од Русите во истите часови кога Оливија беше на лице место.
„Не можам да ви кажам се што видов таму, бидејќи не можам да најдам зборови да го опишам тоа. Некој, кој никогаш не го видел тоа, не може да го замисли овој кошмар во очите на тие луѓе. Се плашам, но ова само ме мотивира повеќе да им помагам на бегалците“, вели Оливија.
Од границата, Оливија Дабровска го започна собирањето средства за поддршка на бегалците и испраќање комплети за прва помош во Лавов, за луѓето кои бегаат и за повредените.
„Секоја ситница помага: ни требаат материјални и финансиски донации, можете да волонтирате и лично да помогнете. Ситуацијата е драматична. Јас го гледам тоа со свои очи “, заклучува таа.
View this post on Instagram
