Хрватската старлета Ава Карабатиќ објави дека нејзиниот татко Ивица починал.
Ивица Карабатиќ починал синоќа на 59 години од последици од срцев удар.
„Никогаш нема да го заборавам денешниот ден. Тато излезе да ја земе пицата што ја нарачавме. Ја зеде кутијата, ја стави на масата… и едноставно се струполи. Без збор. Без предупредување. За секунда исчезна. Мојот свет пукна“, напишала таа.
View this post on Instagram
„Веднаш повикав брза помош. Тие направија сѐ што можеа. Го реанимираа 30 пати. Триесет пати. Со секој неуспешен обид, беше како некој да откинуваше години од мојата душа. Како мојот живот да бледнееше пред моите очи, заедно со неговиот. Но, неговото срце… едноставно не можеше повеќе да издржи“, додала таа.
„Мојот татко замина. Замина тивко, ненадејно, додека јас сè уште мислев дека имаме време. Останав сама. Буквално – сама. Без неговиот глас, без неговата сигурност, без неговата тивка сила што секогаш ме чуваше, дури и кога не бев свесна за тоа“, продолжила Ава.
„Не знам како да продолжам. Не знам како да дишам, кога знаеш дека тој повеќе не дише. Тато, се надевам дека ме гледаш. Дека си некаде таму горе сега, мирен, без болка. И дека знаеш колку те сакам. Оваа празнина што ја остави… нема зборови да ја опишам. Ве молам, чувајте ги своите родители. Прегрнете ги додека можете. Животот се менува во едно отчукување на срцето“, рекла таа.
Некои се посомневале дека станува збор за лажна вест, но Ава објавила и, како што вели, „доказ за смртта“, според кој се чини дека смртта се случила во Белград.
