Режисерот Алфред Хичкок имаше само една ќерка која, на возраст од деведесет години, почина.
Патриша Хичкок, единствената ќерка на големиот Алфред, почина на 93 -годишна возраст во нејзиниот дом во Таузенд Оукс, Калифорнија. Родена во 1928 година, Пет Хичкок се појави во некои од филмовите на нејзиниот татко, вклучувајќи го и ремек -делото „Психо“.
Своевремено за славниот родител таа рече: „Посакувам да веруваше повеќе во непотизам, на тој начин ќе можев да снимам повеќе филмови со него, но тој избираше само актери за кои сметаше дека апсолутно се вклопуваат со улогата“.
И покрај ова, Патриша глумеше во три филмови, а беше дел и од од серијата „Алфред Хичкок презентира“ (1955-1962). Таа беше и продуцент на документарниот филм „The Man on Lincoln’s Nos“, дело кое беше номинирано за Оскар во 2001 година.
Во 2003 година ја објави книгата „Алма Хичкок: Жената зад човекот“ напишана заедно со Лоран Бузеро, а зад тој голем човек – таткото стоеше токму таа голема жена – мајката на Патриша, уредничка и сценаристка (Алма Ревил), на која ѝ беше посветен текстот.
Пет се омажи за Џозеф Е. О’Конел Jуниор во 1952 година, парот имаше три ќерки, Мери Алма Стоун, Тереза Тере Каруба и Кетлин Кејти Фијала. Џо почина во 1994 година.
