Британскиот актер Ијан Меккелен ги сподели своите многу искрени ставови за британското кралско семејство. Во интервјуто за Тајм објавено на 6 септември, принцот Хари доби најмногу пофални зборови, ама и критики.
Меккелен се повреди откако пред неколку недели падна од сцената на лондонскиот театар, а сега се опоравува од повредата во својот пријатен дом во Лондон. Во разговор со Мајкл Одел, новинар од Тајм, ѕвездата на Господарот на прстените критикуваше некои членови на британското кралско семејство. Тој ја нарече кралицата Елизабета Втора, со која лично се сретнал неколку пати и која му го врачи орденот Витез на честа во 2008 година, „груба“.
View this post on Instagram
„Им симнувам капа на оние кои успеаја да останат здрави во овој свет. Како што успеа да го направи тоа покојниот војвода од Единбург, иако дури и тој беше длабоко, длабоко ексцентричен и, се сомневам, длабоко несреќен. Така е и со сегашниот крал. Изгледа дека преживеал, но очигледно е истрауматизиран“, продолжи актерот.
View this post on Instagram
Но, најмногу од се зборуваше за принцот Хари, истакнувајќи дека го поддржува: “Дефинитивно сум на страната на Хари. Замислете да сум роден во кралското семејство. Јас како актер можам да направам малку јавни работи, но овие луѓе се во затвор. Тие не можат да направат ништо нормално. Можете ли да замислите дека треба да бидете добри со сите со кои разговарате?“
„Што се однесува до Хари, тој веројатно не е доволно паметен или нема соодветни пријатели за вистински да си помогне. Имајте предвид, тој имаше свој избор од сите убави жени на светот. Се надевам дека ја избрал онаа што го сака“, мислејќи на бракот на принцот со поранешната актерка Меган Маркл.
Потсетуваме, во 2020 година, најмладиот син на кралот Чарлс III и неговото семејство се преселија да живеат во Соединетите држави. По ова, односот на принцот Хари со неговите роднини само се влоши.
