Пејачката Рада Манојловиќ се прослави уште за време на учеството во музичкото натпреварување „Ѕвездите на Гранд“, а од тој момент нејзиниот живот постојано е под будното око на јавноста. Освен музичката кариера, голем интерес секогаш предизвикуваше и нејзиниот љубовен живот, особено врската со Милан Станковиќ, за која со години се зборуваше.
Рада неодамна гостуваше во емисијата „Премиера – викенд специјал“, каде што се потсети на периодот кога, заедно со колегите од натпреварувањето, беше на долга турнеја низ регионот.
„Тоа траеше околу година и пол, како некоја екскурзија. Стекнав пријатели, љубов … Бев млада, слаба, имав убава коса … Се чувствував фантастично. Сите тие луѓе и денес се дел од мојот живот. Поминаа дваесет години од тогаш. Тоа натпреварување ми донесе многу убави работи“, изјави Рада.
Таа искрено призна дека денес поинаку гледа на некои одлуки од минатото и откри дали си замерува за нешто.
„Искрено, не можам сега лесно да одговорам на тоа. Тоа бара подетален одговор и размислување. Единствено што можам да кажам е дека бев мрзелива. Знаев дека некои работи не се во ред, но ги пуштав да течат. Се воздржував да им кажам нешто на луѓето, а ме беше срам од туѓа срамота. Сè тоа си има свое – младост е младост. Со годините се учи да се каже она што ти пречи. Денес, во работата, не дозволувам исто како порано. Порано се воздржував, сега не“, вели пејачката.
Кога станува збор за љубовниот живот, Рада вели дека моментално ужива и дека верува оти конечно го пронашла „вистинскиот“. Сепак, отворено признава дека во минатото постојано влегувала од една во друга врска.
„Сега станува збор за оној вистинскиот. Од моментот кога влегов во првата врска, постојано бев зафатена – од врска во врска. Пред оваа врска, половина година бев сама. Не барав некого само за да не се чувствувам осамено. И ете, кога човек ќе почне така да размислува, тогаш се случува нешто убаво“, искрено раскажа Рада.
