Британскиот рокер Род Стјуарт на своите социјални мрежи го привлече вниманието на лошата состојба на улицата во близина на неговата куќа во Есекс (Англија). И така, самиот – заедно со некои соседи – се нафатил да го поправа патот.
На две видеа, објавени на неговиот Инстаграм профил, 77-годишниот музичар се појавува облечен во заштитен елек, додека со лопата во рака зема асфалт од камионот за да ги пополни дупките на улицата.
„Ваква е состојбата на улиците во близина на местото каде што живеам во Харлоу и вака е долго време… луѓето си ги кршат автомобилите“, рече Род Стјуарт на снимката. Дополнително тој објаснува дека администрацијата на Борис Џонсон ја запоставила оваа рута со инвестирање во друг автопат.
View this post on Instagram
„Пред некој ден на брзата помош и пукна гумата. Моето Ферари никако не може да помине оттука. Па така јас и момците помисливме да дојдеме тука и сами да го направиме тоа“, објасни музичарот, кој работи веќе три дена на поправките на оваа улица.
