Во новата епизода од поткастот „Шоу на квадрат“, гостуваше Нивес Целзиус, а во разговор со новинарот Звонимир Милаковиќ, таа допре до чувствителни теми од нејзиниот приватен и професионален живот, од нејзините почетоци како модел и снимањето за Плејбој, до книжевната награда „Киклоп“ за нејзината книга „Гола вистина“. Денес, Целзиус е активна и како музичарка и како актерка. Неодамна ја објави песната „Је боме је“ во соработка со бендот Прима, а глуми и во серијата „Авионџије“.
Нивес зборуваше и за својот живот со поранешниот сопруг, Дино Дрпиќ, со кого сè уште го дели животниот простор. „Не сме разделени, скоро секогаш сме заедно, освен ако не сме на пат или тој е со неговата девојка. Одлично функционира, секако кога поминувате многу време со некого има некои несогласувања, но до ден денес тој е еден од моите најдобри пријатели и сè уште го сакам неизмерно“, рече таа.
Таа зборуваше и за врската со неговата нова девојка. „Не сум добра со неговата девојка, се познаваме само од случајни средби, не се запознавме добро. Прво, таа е прекрасна личност, колку што можев да заклучам од неговите приказни, одлична е и со моите деца, особено со Таиша, што навистина го ценам. И второ, знаете колку е згодна, болно убава, како Моника Белучи“, откри Нивес.
