Компанијата која управува со подморницата OceanGate објави дека верува дека нема преживеани од патниците на исчезнатата подморница „Титан“.
„Нашите срца се со овие пет души и секој член на нивните семејства во ова трагично време“, напишаа од компанијата.
Остатоците откриени денес во близина на потонатиот брод „Титаник“ се од исчезнатата подморница „Титан“, потврди американската крајбрежна стража.
„Сега веруваме дека нашиот извршен директор Стоктон Раш, Шахзада Давуд и неговиот син Сулеман Давуд, Хамиш Хардинг и Пол-Анри Наргеолет се за жал изгубени“, се вели во соопштението на OceanGate.
Остатоците од подморницата се откриени на 500 метри од потонатиот брод „Титаник“ што сакале да го видат. Опремата за слетување и задниот отвор на исчезнатата подморница беа откриени денеска од роботска подморница со далечинско управување.
Тоа би значело дека подморницата доживеала пукнатина и експлодирала под притисок под вода.
Си-Ен-Ен јавува дека два дела од подморницата биле пронајдени на 3.800 метри под вода, на околу 500 метри од лакот на познатиот брод.
BREAKING: A debris field has been discovered within the search area by a remotely operated underwater vehicle near the Titanic, the US Coast Guard has said.
Latest here: https://t.co/L29qKaj8nR https://t.co/NC1lU675bd
— Sky News (@SkyNews) June 22, 2023
