Јелена Розга настапи во саботата во Преграда, во рамките на 55. манифестација „Берба на грозје“. Врвот на концертот беше кога градоначалникот на Преграда, Горан Вукманиќ, ѝ се придружи на сцената и отпеа еден од нејзините најпознати дуети. Видеото од концертот стана хит и на социјалните мрежи.
Тие ја испеаја песната „ Prsti zapleteni“, која Розга обично ја изведува со клапата „Ришпет“, но овој пат ги замени Вукманиќ, кој е член на клапата „Кмети“ од Преграда. На крајот, Розга го пофали градоначалникот и неговото пеење, а публиката ги награди со голем аплауз.
„Тотално ме изненади. Навистина пееш феноменално. Мислев дека ќе биде добро, но ова е 5“, го пофали Розга.
„Останавме без градоначалник, тој се согласи да соработува со Јелена Розга“, се пошегуваа во коментарите.
