Хрватскиот виолончелист Стјепан Хаусер објави видео на социјалните мрежи во кое истовремено вежба и свири виолончело – и тоа во море. Видеото го прикажува Хаусер облечен во розова кошула и жолти шорцеви, како седи на воден велосипед. Додека со педалирање го покренува пловилото, тој го држи виолончелото во рацете и ја изведува енергичната бразилска композиција „Tico Tico“.
„Јас сум зафатен човек – морам да свирам виолончело и да вежбам во исто време“, напишал тој и додал дека станува збор за неговиот кардио тренинг „TICO TICO“.
Видеото, кое шокираше многумина, завршува со краток кадар од насмеана русокоса девојка на џет-ски. Под објавата на Хаусер веднаш почнаа да се редат коментари.
View this post on Instagram
Да потсетиме, минатата година во интервју за „Стори“, Хаусер откри, меѓу другото, дали би сакал да се „смири“ и да се ожени.
– Во моментов, кариерата ми е на прво место. Јас сум многу амбициозен, имам многу планови и проекти. Мојата светска турнеја и „Музиката го обединува светот“ (Music Unites the World) сега ми се во фокусот. Никогаш не вели никогаш, но досега не сум ја пронашол вистинската – рекол тој.
На прашањето дали се гледа себеси во улога на татко, тој одговорил: „Еден ден сигурно би сакал да имам деца, но сега тоа е тешко да се замисли со сите обврски и темпото со кое живеам. Сè во свое време“.
