Здравко Чолиќ ја воодушеви својата обожавателка Дајана Брајчиќ Јурица пеејќи со неа на Ластово, а видеото го привлече вниманието на корисниците на социјалните мрежи.
Двајцата уживаа во вечерта и го отпеаја неговиот хит „Куќа пуна народа“.
„Ова е моментот на годината за Дајана. Омилениот пејач со омилената песна нè почести со своето присуство и глас. Момент што дефинитивно ќе го паметиме“, пишува во описот на видеото од одморалиштето Аугуста Инсула, каде што Дајана работи како менаџер.
„Никогаш во животот не сум бил толку љубоморен“, „Блазе си ѝ“, „Минута за Дајана, а спомен за него за цел живот“, „Умирам од љубомора. Прекрасно видео“, се некои од коментарите на Инстаграм.
Здравко Чолиќ со децении се смета за најголем шармер на балканската музичка сцена. Неговата репутација како „освојувач на женските срца“ започна во 1970-тите и остана до денес.
View this post on Instagram
