Пејачката Теа Таировиќ и нејзиниот сопруг Иван Вардај доживеале сообраќајна несреќа во Црна Гора. Несреќата се случила ноќта помеѓу 4 и 5 август.
Сообраќајната несреќа се случила околу еден час по полноќ на кружниот тек на самиот влез во Будва, каде што, според очевидци, се случила несреќата, во која нивното возило претрпело голема материјална штета.
Очевидци велат дека во областа се слушнал силен удар, поради што мештаните веднаш излегле да проверат што се случило.
– Слушнавме силен тресок и веднаш истрчавме надвор. Неколку соседи дојдоа да помогнат додека не пристигнаа полицијата и службите за итни случаи. Најважно е што сите излегоа од автомобилот и никој не беше сериозно повреден. Патем, ова не е првпат да се случи сообраќајна несреќа на ова место. Патот е тесен, неосветлен и нема знаци дека станува збор за кружен тек – изјавил извор кој се нашол во непосредна близина за „Курир“.
Теа и нејзиниот сопруг поминале без сериозни повреди, и покрај тоа што автомобилот претрпел огромна штета.
Таа била видливо потресена и вознемирена, и, откако се уверила дека не е сериозно повредена и дека нејзината здравствена состојба не бара дополнителна медицинска интервенција, Теа продолжила по патот кон закажаниот настап.
