Победничката на оваа сезона на музичкиот натпревар „Ѕвездите на Гранд“ („Ѕвезде Гранда“), срумичанката Славица Анеглова, откако се смириле впечатоците, за Гранд открила дека и самата била изненадена од победата, а открила и со кого го прославила успехот.
Славица истакна дека за нејзиниот триумф придонеле цврстата верба во себе и трудот, а за приватниот живот не сака да зборува.
– Свесен сум дека победив. Сега се стабилизирам и моите впечатоци се навистина одлични. Се е на свое место – призна Славица.
Таа и претходно истакна дека кога ќе си ја постави целта, доколку навистина ѝ се посвети, тоа може да се постигне, колку и да изгледа неверојатно во тој момент.
– Јас сум на мислење дека кога човек работи напорно и работи на себе како и кога вложува време во себе, може да успее. Така и испадна – рече Славица за Гранд.
Победничката на „Ѕвезде Гранда“ објасни дека и самата не е свесна како успеала да ги помири сите обврски, со оглед на тоа што студира медицина во Софија, живее во Струмица, а во Белград се натпреварувала и подготвувала настапи.
– Не знам ни како успеав да го постигнам сето тоа. Тоа беше маѓепсаниот триаголник Струмица – Софија – Белград. Последните денови најмногу ги поминав во Белград, но и се трудам да не ги занемарам студиите во Софија бидејќи тие ми се и приоритет, како и натпреварот „Ѕвезде Гранда“ – призна Славица.
На прашањето кога стасува да учи, таа објасни:
– Се трудам, книгите секогаш ги носам во торбата, тие ми се верни пријатели, тоа можам слободно да го кажам и ги земам во рака каде било и билокога. Секогаш наоѓам простор и место да можам да се посветам на учењето – истакнува ѕвездата на Гранд.
Откако триумфираше, Славица преку ноќ се најде во центарот на вниманието на јавноста, а многумина беа заинтригирани од нејзината врска со конкурентот и колега во Ѕвезде Гранда, Велсан Зуловиќ, која очигледно беше нешто повеќе од пријателство. Сепак, таа не сака да зборува на таа тема и инсистира приватниот живот да го задржи само за себе.
– Иако сега на некој начин станав јавна личност, мислам дека секој човек сака да си ги задржи приватните работи за себе и да носи свои одлуки без мешање од јавноста – искрена е Славица.
