Анастасија Ражнатовиќ се породи пред два дена и на свет донесе машко дете, на кое таа и нејзиниот сопруг, фудбалерот Немања Гудељ, му го дадоа името Илијан.
Новопечените родители, како и нивните семејства, се пресреќни за приновата, а сега на социјалните мрежи се огласи и докторката која го водеше породувањето во Севилја. Таа на својот инстаграм-профил сподели фотографија од новородениот Илијан и упати јавна благодарност до семејството за укажаната доверба:
„Добредојде на светот, мали Илијане. Честитки до ова прекрасно семејство. Ви благодарам што верувавте во мене“, напиша докторката под фотографијата.
Нејзината објава веднаш ја сподели и самиот Немања Гудељ, кој накратко искоментира: „Ви благодариме вам“.
View this post on Instagram
За потсетување, Анастасија се породи на 15 јули, само еден ден откако нејзината мајка, балканската ѕвезда Цеца Ражнатовиќ, мораше да ја напушти Шпанија поради деловни обврски. Екипите на српските медиуми ја уловија Цеца на аеродром, каде што таа не можеше да ја сокрие среќата:
„Тие нека слават, јас едвај чекам да се вратам и да се дружам со мојот нов внук“, изјави таа.
