Поранешниот секс симбол и пејачка Саманта Фокс дивеела во авион, а поради неа пилотот морал да се врати на пистата.
Пејачката и голема ѕвезда од осумдесетите Саманта Фокс (57) синоќа е приведена во полициска станица, откако била приведена на аеродромот во Минхен.
Полицијата потврди дека жена на возраст од околу 50 години била приведена откако под дејство на алкохол предизвикала нарушување на редот и мирот во авионот и на аеродромот. Поради сцената што ја направила, останатите патници не можеле да полетаат, па летот бил одложен, а им било обезбедено хотелско сместување.
Како што пренесуваат странските медиуми, Саманта е во многу лоша состојба поради загубата на нејзината сестра Ванеса, која почина минатата година на педесет годишна возаст, по неколку дена минати во кома како последица на срцев удар.
Сестрата Ванеса не е единствената блиска личност што ја изгубила неодамна. Непосредно пред неа почина и партнерката на Саманта, Мајра Стартон, со која помина 16 години заеднички живот.
