Емотивен спомен на својот татко, легендарниот Зафир Хаџиманов, сподели неговиот син, музичарот Ваисил Хаџиманов. Зафир Хаџиманов почина од ковид-19 на 27 март во 2021 година во Белград.
– „Камен“ е последниот текст на мојот татко, Зафир Хаџиманов, за кој ја компонирав оваа музика. Голема благодарност до сите што учествуваа во нејзиното создавање. Зафир Хаџиманов – текст,
Васил Хаџиманов – композиција, аранжман, пијано и клавијатури, Никола Ристановски – вокал
клапа „Асса воче“, Марта Хаџиманов, Наташа Хаџиманов – придружен вокал, Свебор Шакиќ – гитара,
Виктор Филиповски – тапани, Ратко Даутовски – перкусии, Марко Периќ – продуцент,
Ангел Ќосев – тонски снимател на вокалите, Владимир Марас – тонски снимател на клапата, снимено во „Студио м“, Подгорица, Иван Вучковиќ – монтажа, фотографија – Милан Јосиповиќ – напиша Васил Хаџиманов, а потоа сподели текст од песната што ја изведува Никола Ристановски.
Васил Хаџиманов и неговата ќерка Марта Хаџиманов, која е џез и оперска пејачка, учествуваа на концертот во негова чест, што се одржи на 17 декември во 2023 година во Филхармонија. Концертот го организираше „Авалон“ и беше насловен „Во слава на Зафир Хаџиманов“.
На концертот пееја и Калиопи, Сашо Гигов-Гиш , џез-пејачот од Белград, Виктор Тумбас, а меѓу учесниците беа актерот Никола Ристановски и режисерот и актер Коле Ангеловски. Пееше и легендарната Бисера Велетанлиќ, тетката на Васил, сестра на неговата мајка Сенка.
За љубовната приказна на Зафир и Сенка Хаџиманови е многу пишувано, а нивната љубов најдобро ја опиша дуетот „Љуби ме и главата горе“, еден од најубавите евергрини во регионот.
