Поранешниот тапанар на Сека Алексиќ, Огњен Мартиновиќ, реши да ја открие својата страна од приказната за инцидентот во Цирих минатата година, кога пејачката и целиот нејзин бенд беа приведени поради нерегуларни работни дозволи.
Огњен на Инстаграм напиша дека одговорноста ја сноси сопругот и менаџер на Сека, Вељко Пиљкиќ, кој закажал настап во локал каде полицијата претходно веќе вршела рации.
„Без работни дозволи нè испратија сите заедно со Сека. По настапот не уапсија, четири дена не држеа во притвор и ни забранија влез во Шенген зоната на две години“, истакна Мартиновиќ.
Тој додаде дека целиот бенд бил исфрлен без никаква надокнада, а секој поединечно е евидентиран како „нелегален имигрант“.
„Сека патува бидејќи има австриски документи, а ние ќе имаме проблем со визи и понатаму“, напиша тој.
Кога случајот првпат се појави во медиумите, Алексиќ изјави дека полицијата само ја земала нејзината изјава и му наплатила казна на сопственикот на клубот. Таа тврдела дека задржувањето траело само неколку часа, но сведоштвата на нејзиниот поранешен тапанар и очевидци велат дека станувало збор за четиридневен притвор.
Ова не е единствен судир на Сека со законот – во 2011 година беше уапсена поради пребрзо возење на автопатот Белград – Нови Сад, кога со својот „мерцедес“ возела со над 200 км/ч. Тогаш доби парична казна од 100.000 динари, која веднаш ја плати.
