Мелина Галиќ, поранешната сопруга на Харис Џиновиќ, по разводот ја напушти Србија и животот го продолжи во Монако.
Екипата на „Мондо“ престојуваше во Монте Карло и откри дека новата адреса на Мелина се наоѓа на една од најскапите локации, само неколку стотини метри од прочуениот казино „Монте Карло“.
Станува збор за луксузен стан вреден неколку десетици милиони евра, сместен во зграда со специфична архитектура – со поглед и кон главната улица и кон морето.
Една од новите сосетки на Мелина, Србинка која долго време живее во Монако, открива детали за новиот партнер на дизајнерката.
„Станот не е нејзин, туку во сопственост на нејзиното момче. Тој ја има оваа недвижнина со години. Познат е во Србија, милионер е и постар е од неа речиси 20 години. Жената очигледно сака постари мажи, тоа ѝ е фетиш. Тој е луд по неа и се труди да ѝ удоволи во сè“, раскажала сосетката.
Според неа, милионерот преку свои врски ѝ овозможил на Мелина да започне со продажба на своите фустани во една концепт продавница, за да не изгледа како само да седи во Монте Карло и да троши пари. Сепак, бизнисот не ѝ оди најдобро, бидејќи локалната клиентела бара поинаков квалитет.
Благодарение на својот партнер, Мелина добива покани за ексклузивни забави и балови за милионери. Таму често се појавува во скапи тоалети и со чанти „Ермес“, секоја вредна најмалку 50.000 евра. Комшиката додава: „Јасно ви е кој сето тоа го финансира“.
Мелина е често забележана во соседството – џогира во близина на својот стан, излегува на кафе со неколку пријателки и голем дел од денот го минува во шопинг.
По разводот од Харис Џиновиќ по 12 години брак, извесно време немаше никакви информации за неа. Но, по неколку месеци, на социјални мрежи што го следат луксузниот живот во Монако почнаа да се појавуваат снимки на кои Мелина пристигнува на балови со „Бентли“ вреден 150.000 евра. За еден од тие настани, влезниците чинеле и до 10.000 евра – привилегија достапна само за најбогатите.
