Поранешната сопруга на пејачот Даниел Кајмаковски, поранешна мисица, моделка и пејачка, Кристина Димитриевска, се огласи на Инстаграм објаснувајќи дека по свадбата на екс-сопругот, добива валкани пораки.
Убавата Тетовчанка нагласи дека „гнасотиите“ не ги добива само таа туку и членови на нејзиното семејство.
Една од провокативните пораки била и онаа во која се наведува дека е „многу љубоморна“ поради тоа што нејзиниот син „сега ќе има полубрат или полусестра“.
Така, Кристина одлучи јавно да сподели што ѝ се случува, но и да даде одговор на провокациите, со желба да им стави крај.
„Горе стојат дел од гнасотиите што некоја болна личност ги пишува на луѓе од моето семејство. Биолошкиот татко на моето дете може да има бракови, жени… Тоа е негов живот. Јас и мојот син живееме наш живот пет години , (а тоа е етапа на која јас пред пет години ставив крај)! И немаме никаква врска со животот на мојот бивш маж. Толку од мене на оваа тема. Порано знаевме кој е „психички болен“, сега е масовно. Не е срамота да побарате помош од психолог и психијатар. Срамота е да правите лажни профили и да се мешате во туѓ живот. Недела е, луѓе ручајте со најблиските. Ви праќам љубов во вашите срца полни со омраза“ – напиша Кристина.
Потсетуваме, Даниел Кајмаковски пред десетина дена го кажа своето второ „судбоносно да“, а за својата сопруга за сега не открива ништо. Тоа е втор брак на пејачот, по разводот со Кристина.
