Режисерот Вилијам Фридкин, најпознат по оскаровскиот филм „Француската врска“, како и блокбастерот „Истерувач на ѓаволот“, почина во Лос Анџелес на 87-годишна возраст.
Веста за неговата смрт ја потврди деканот на Универзитетот Чепмен, Стивен Галовеј, пријател на сопругата на Фридкин, Шери Ленсинг, пренесува „Варајати“.
Неговиот последен филм премиерно ќе биде прикажан на филмскиот фестивал во Венеција.
Заедно со Питер Богданович, Френсис Форд Копола и Хал Ешбњеи, Фридкин во 70-тите години на 20. век беше предводник на филмските творци кои му го вратија престижот на Холивуд, по деценија на стагнација кога најдобрите филмови доаѓаа од други краеви на светот.
Комбинирајќи го своето искуство на телевизијата, особено во документарниот филм, со најсовремен стил на монтажа, Фридкин внесе голема енергија во жанровите хорор или полициски трилер за кои се специјализираше.
.
