Хрватскиот популарен поп пејач Јасмин Ставрос почина на 68-годишна возраст. Тој се бореше со сериозна болест, рак на коските и се лекуваше во Болницата „Ребро“.
На крајот на март годинава беше потврдено дека Ставрос боледува од рак на коските. Пејачот веднаш бил хоспитализиран, а лекарите се посомневале дека ракот му се проширил на желудникот.
По веста дека му бил дијагностициран рак на коските, Јасмин Ставрос проговоре од болница и за хрватските медиуми откри дека се бори за живот.
– Сега уште се сомневаат дека можеби имам и рак на желудникот. Дај боже тоа да не се случи, бидејќи би било погубно за мене. Страшно боли. Ме боли грбот. Одам на зрачење и тие зрачења се многу болни и морам да легнам и потоа се прави контакт со моите нерви и тоа е страшно болно, но морам да издржам тие десет минути – додаде тогаш Јасмин и објасни дека симптомите од болеста ги почувствувал во јануари со болки во желудникот.
Тој пред две недели Ставрос беше префрлен на Клиниката за белодробни заболувања во Јордановац откако му се појавија дополнително и компликации со белите дробови.
„Точно е дека пациентот е префрлен во Јордановац поради компликации. Не можам да кажам за какви компликации станува збор“, рече тогаш Федор Шантек, специјалист по радиотерапија и онкологија од загрепската КБЦ Ребро.
