На 87-годишна возраст почина Чак Норис, легендарен мајстор на боречки вештини и неуништлив јунак од акциските филмови, како и ѕвезда на култната серија Walker, Texas Ranger. Тажната вест ја потврди неговото семејство, откако актерот ден претходно беше хоспитализиран на Хаваи.
Холивудската икона, која за генерации гледачи беше синоним за боречка правда и непобедливост, почина во четвртокот на Хаваи на 87-годишна возраст. Чак Норис зад себе остави богато филмско и телевизиско наследство, а неговото семејство во емотивна изјава порача дека живеел со цел и со непоколеблива посветеност кон оние што ги сакал.
„Преку својата работа, дисциплина и добрина инспирираше милиони ширум светот и остави траен белег во многу животи. На неговите обожаватели им порачуваме – не му бевте само обожаватели, туку му бевте пријатели“, стои во соопштението на семејството Норис.
