Деновиве во јавноста одекнуваат вести за безбедносната состојба во Обединетите Арапски Емирати, што дополнително го насочи вниманието кон јавните личности кои поседуваат имот во овој дел од светот.
Неколку пејачки од регионот во изминатите години инвестирале во луксузни недвижности во Дубаи – град што стана една од најпривлечните дестинации за купување станови меѓу познатите.
Според пишувањата на порталот „24седам“, пејачката Вања Мијатовиќ купила стан во Дубаи, што и самата го потврдила. Извор близок до неа открил дека избрала атрактивна локација во луксузен објект составен од две кули од по 50 ката, поврзани со мост на самиот врв. Станот се наоѓа во зграда со отворен и затворен базен, сауна, повеќе фитнес-сали и кино-сала.
– Вања наскоро ќе оди да го види станот, а ангажирала и застапник што ќе ја заврши целата постапка. Засега не планира да престојува таму кога ќе отпатува во Дубаи, туку има намера да го издава. Станот се наоѓа на 18. кат и ќе биде целосно опремен со мебел и бела техника – изјавил изворот.
Пејачката Душица Грабовиќ, исто така, откри дека неодамна купила луксузна недвижност во Обединетите Арапски Емирати.
– Купив стан од половина милион евра во Дубаи, на располагање имам услуга 24 часа – изјавила таа.
Се зборуваше и дека пејачката Александра Младеновиќ планира да инвестира во стан во Дубаи. Таа потврдила дека има намера недвижноста да ја издава и на тој начин да остварува дополнителен приход.
– Вистина е дека разгледував стан во Дубаи и планирам да го купам. Ми се допаѓа затоа што има море, убаво е и можеш да уживаш во мир. Станот го купувам како инвестиција, тоа е работа. Немам пороци и внимавам како ги вложувам парите. Сакам моето семејство и јас да бидеме задоволни. И мојата кума Вања Мијатовиќ купи стан таму, што ми беше дополнителна мотивација – изјавила Младеновиќ.
