Извор од Израел истакна дека на 13 декември во раните утрински часови итната помош го пронашла Лаќа Радуловиќ на улицата Милано во онесвестена состојба, објави српскиот портал „Блиц“.
– Лаќа е прогласен за мртов на патот кон болница. Телото е пренесено во форензички центар во друг град, каде лежело без формална идентификација. На 18 декември случајот почнал да се развива кога во српската амбасада се јавил семеен пријател на Радуловиќ и го пријавил како исчезнат бидејќи Милан требало да се врати во Србија на 19 декември. Тој замина во Израел на 2 декември. На 19 декември била контактирана израелската полиција – вели изворот за „Блиц“.
На 20 декември полицијата одговорила дека телото со опишаните тетоважи се наоѓа во споменатиот институт за судска медицина. Телото било идентификувано од пријател во вторникот, подоцна попладне и на тој начин била составена сликата од тоа што му се случило.
Потсетуваме, Милан Лаќа Радуловиќ, син на Марина Туцаковиќ и Александар Радуловиќ Фута, е роден во 1986 година. И тој како мајка му, пишувал текстови за многу познати пејачи. Неговиот живот го одбележаа две трагедии, смртта на неговиот брат Милош во 2008 година и смртта на неговата мајка Марина Туцаковиќ.
