Српската поп-ѕвезда Јелена Карлеуша отворено зборуваше за своите поранешни љубовни врски и бракот со фудбалерот Душко Тошиќ, гостувајќи во емисијата „Амиџи шоу“, каде што одговараше на прашања од публиката поставени преку Инстаграм.
Едно од прашањата беше да го рангира љубовното умеење на своите поранешни партнери – Душко Тошиќ, Бојан Кариќ и кошаркарот Никола Јовановиќ.
Карлеуша истакна дека секој маж со кого била го сакала искрено и без калкулации, но направи јасен исклучок за Јовановиќ.
„Секој маж со кого сум била сум го сакала на посебен начин. Или сакам 300 отсто, или воопшто не сакам. Не можам да бидам со маж кон кого немам страст. Но, Никола Јовановиќ би го исфрлила од таа категорија – испадна голема кукавица. Кога се случија сите тие напади врз мене, тој се исплаши и побегна, па не е ни вреден за спомнување“, изјави Карлеуша.
Зборувајќи за своите поранешни сопрузи, таа истакна дека Бојан Кариќ го сакала искрено и демантираше дека никогаш немала чувства кон него.
„Бојан многу го сакав. Тоа е голема предрасуда дека не сум го сакала затоа што бил покрупен. Беше прекрасен кон мене и навистина го сакав“, рече таа, додавајќи дека кога станува збор за Душко Тошиќ, тој останува најзначајниот маж во нејзиниот живот поради двете ќерки и 17-годишниот брак.
Карлеуша се осврна и на разводот од Тошиќ, нагласувајќи дека тој не застанал покрај неа во моментите кога ѝ било најтешко, иако таа, како што рече, му простувала многу.
„Не постои жена која ќе изневери маж ако тој е добар и внимателен кон неа. Жена што сака – не изневерува. Речиси десет години тоа траеше“, истакна пејачката.
На прашањето што довело до крахот на нивниот брак, Карлеуша беше директна.
„Тој! Тој е причината што нашиот брак и нашето семејство не останаа такви какви што требаше да бидат. Таа афера не би се случила доколку сè функционираше како што треба, но сметам дека мораше да ми прости. Апсолутно. Верувам дека секој маж треба да ми прости, затоа што јас сум ангел во врска“, рече таа, осврнувајќи се и на аферата со Огњен Врањеш.
Во емисијата, Карлеуша за првпат јавно проговори и за болното искуство од пред 12 години, кога на прашањето дали некогаш ја прекинала бременоста, искрено призна:
„На еден тажен начин – да. Никој не знаеше дека за време на концертот на Ушќе бев бремена. Поради огромниот стрес ја изгубив бебето и морав да одам на интервенција за прекин на бременоста“, изјави пејачката.
