Поп-ѕвездата Бритни Спирс сподели видео од „пижама-журка“ кај семејството Кардашијан, само една недела по нејзиното враќање на Инстаграм. Спирс постојано ги шокира обожавателите со своите објави на социјалните мрежи, а неодамна го избриша својот профил, па повторно го активираше. Сега откри дека се дружела со сестрите Ким и Клои Кардашијан, а луѓето во коментарите се прашуваат – дали фотографиите се направени со вештачка интелигенција?
На својот повторно активиран профил, Спирс објави видео со сестрите Кардашијан и напиша: „Толку топло, прекрасно и љубезно семејство… Ви благодарам што ми дозволивте да си играм со вашите деца и да вечерам со вас!!! Ми беше чест да го поминам времето со вас! Среќни празници“.
Имено, Ким исто така сподели две инстаграм-стории од дружењето, на кои се појавува и нејзината помлада сестра Клои. Долгогодишниот близок пријател на Спирс, Кајд Хадсон, за кого се смета дека моментално ѝ е менаџер, бил дел од гламурозната ноќ.
„Ноќи во Калабасас“, напиша Ким над една од фотографиите, алудирајќи дека таа или Клои биле домаќинки на забавата, бидејќи населбата е позната како „енклавата на Кардашијан“.
Обожавателите беа шокирани од овој славенички „судир“, па некои на социјалните мрежи се запрашаа дали фотографијата е создадена со вештачка интелигенција.
„Мислев дека е вештачка интелигенција… Сè уште мислам дека е“, напиша еден корисник на Редит, на што друг одговори: „И јас! Не знам зошто луѓето толку брзо го отфрлија тоа. Можеби не сфаќаат колку е напредна вештачката интелигенција кога станува збор за имитирање луѓе, ниту пак колку нејзините видеа знаат да бидат чудни“.
