Познатата пејачка Марија Микиќ отворено прозборе за емотивните предизвици низ кои поминувала во изминатиот период, истакнувајќи дека најголемата поддршка во најтешките моменти ја добила од своето семејство. Таа призна дека во минатото премногу ги идеализирала љубовните односи, пријателствата и луѓето околу себе, но со текот на времето научила дека зачувувањето на личниот мир и спокој е најважната работа во животот.
Марија истакна дека денес е исклучително благодарна за сите убави нешта што ги поседува и дека повеќе не дозволува ситниците да ѝ ја нарушуваат среќата.
Иако поминала низ тешки моменти, пејачката не се разочарала во љубовта и моментално е среќно исполнета во нова врска која се случила сосема спонтано.
Таа откри дека не го крие својот партнер од јавноста и дека нормално функционираат во секојдневниот живот, но тој нема потреба медиумски да се експонира бидејќи има сопствена професија.
Исто така, Марија објасни дека сè уште не живеат заедно бидејќи како мајка на две деца сака сè да оди по свој природен тек и со соодветна адаптација. Пејачката заклучи дека повторно би рекла „да“, но дека хартиениот потпис повеќе не ѝ е доказ за љубов, туку искрената поддршка и разбирањето од партнерот.
