Атина Тошиќ, ќерка на Јелена Карлеуша и Душко Тошиќ, сподели фотографии од Дубаи на социјалните мрежи и привлече внимание со своето летно издание во пресрет на својот 18-ти роденден.
Атина дел од одморот го поминува во Дубаи, а атмосферата ја сподели со своите следбеници преку Инстаграм. Таа објави фотографии на кои позира на лежалка во црн едноделен костим за капење, уживајќи во сончев ден, каде што ја истакна својата витка фигура и исончан тен.
Атина ќе го прослави својот 18-ти роденден на 7 септември, а според српските медиуми, наводно се подготвува голема прослава во Белград. Постарата ќерка на Јелена и Душко наскоро ќе стане полнолетна, додека нејзината помлада сестра Ника ќе наполни 17 години истиот ден.
Според српските медиуми, Јелена и Душко треба да организираат заедничка прослава за својата ќерка. Иако нивната врска беше проследена со бројни скандали во последните години, сепак, заради своите ќерки, тие решија заеднички да учествуваат во организацијата на прославата.
Прославата, како што се наведува, треба да се одржи во еден од луксузните хотели во Белград, а поканите наводно биле испратени на околу 200 адреси. Меѓу гостите треба да бидат членови на семејството, пријатели, колеги и познати личности, како и школски другарки на Атена и Нике.
