Иако со години е далеку од јавната сцена, Маја Оџаклиевска повторно го привлече вниманието на публиката со неочекуван музички момент.
Пејачката, која подолг период живее повлечено и ретко се појавува во јавност, се појави во белградски ресторан каде што спонтано запеа неколку строфи. Кусото изведување беше забележано од присутните, а видеото подоцна беше објавено и на социјалните мрежи на угостителскиот локал, по што брзо се прошири онлајн.
Оџаклиевска пред извесно време јавно зборуваше дека се повлекува од активната музичка кариера, посветувајќи се на семејството и на грижата за својот внук Лука. Сепак, снимката од ресторанот покажа дека нејзиниот препознатлив глас и сценска харизма и натаму се тука.
Оџаклиевска со години живееше со својот внук Лука и активно се грижеше за него, но откако тој порасна, пејачката јавно откри дека грижата ја презела нејзината ќерка. Таа искрено призна дека со годините ѝ станувало сè потешко да ја издржи целосната одговорност, особено откако момчето влегло во поинаква животна фаза.
Легендарната пејачка има две ќерки од двата брака – Теа и Андреа, на кои, како што самата вели, и денес им е најголема поддршка. Родителската борба ја водела како самохрана мајка, без откажување и со целосна посветеност. Помалата ќерка Андреа е мажена и мајка на два сина
