Маја Николиќ е голем животен борец и отсекогаш живеела по свои правила. Таа во интервју за „Блиц“ зборуваше за сè низ што поминала поради тешката повреда на ногата, за пријателствата на естрадата, но и за вложувањата во својата кариера.
Како што истакна Маја Николиќ, зад неа е исклучително тежок и напорен период, но денес е опоравена и повторно живее со полни гради.
„Фала му на Бога што го поминав ова искушение. Проодев во август, ја симнав ортозата. Толку го сакам Бога што ми помогна, бидејќи ми рекоа дека ќе проодам дури оваа година. Не можев сама да се бањам, други жени ме бањаа три и пол месеци, а тоа чинеше 820 евра за да доаѓаат дома. Најтешка телесна повреда. Докторот ми рече: ‘Да бевте спортистка, кариерата ќе ви завршеше’. Сега наводно не смеам да трчам, но јас трчам и возам“, раскажа таа.
Пејачката се осврна и на својот познат настап на „Евровизија“, кога настапи со гипс на ногата:
„Фала му на народот, не е лесно да се изведе настап стоејќи на левата нога. Болките беа ужасни, а јас сум најнепослушниот пациент. Мислам дека лекарите беа најсреќни кога излегов од болница. Морав да побегнам за да настапам, луѓето не можеа да поверуваат. Не сакав операција, ниту шрафови, а веќе ме подготвуваа за операција. Немам време да лежам, морам да работам, денес сите работиме по две работи.“
Како што вели, најмногу е горда на своите два сина, кои ги одгледала без алиментација.
„Два сина одгледав без алиментација. Јас сум ѕвезда, но двете песни што ги испратив за ‘Евровизија’ чинат повеќе од 10.000 евра. Спот никогаш не ме чинел помалку од 5.000 до 7.000 евра. Никогаш немав спонзори, сè плаќав сама. Земам кредит, продавам стан, плаќам и така цел живот. Горда сум што сето тоа го издржав“, изјави Маја, додавајќи дека искреноста често ја чинела скапо.
„Милион пати мојата искреност ме чинела, но јас не знам да лажам. И во училиште или учев за петка или паѓав со единица“.
