Шест месеци по смртта на Шинејд О’Конор, стана позната причината за смртта на ирската пејачка. Пријател на пејачката на хит песната Nothing Compares 2 U рече дека таа починала поради „скршено срце“. Шинејд почина минатиот јули на 56-годишна возраст. Претставник на лондонскиот суд потврди за TMZ дека смртта на ѕвездата била од природна смрт. Тој додаде дека истрагата за смртта на пејачката е затворена.
Потврдата доаѓа набргу откако пријателот и продуцент на пејачката Дејвид Холмс изјави дека таа „умрела од скршено срце“ по трагичната смрт на нејзиниот 17-годишен син Шејн. „Иако Шинејд беше неверојатно издржлива, јас целосно верувам дека луѓето можат да умрат од скршено срце“.
О’Конор почина точно една година откако нејзиниот 17-годишен син изврши самоубиство. Таа се обвини себеси за неговото самоубиство: „Никој не е виновен за неговата смрт освен јас“.
Непосредно пред нејзината смрт, О’Конор објави фотографија со својот син на X (поранешен Твитер) и напиша: „Тој беше љубовта на мојот живот, светлината на мојата душа. Бевме два дела од една душа.Тој беше единствената личност која безусловно ме сакаше“.
Во текот на нејзината кариера, пејачката беше отворена во врска со нејзините борби за ментално здравје, вклучително и за дијагнозата која ја добила – биполарно нарушување, но и за борбата против депресијата која ја мачеше долги години. Како дете, О’Конор била жртва на сексуална и емоционална злоупотреба од рацете на нејзината мајка.
И покрај нејзините искуства, непосредно пред нејзината смрт, Шинејд, според нејзините пријатели, оставала впечаток дека е задоволен од нејзиниот живот и правела планови за иднината. Пејачката откри на социјалните мрежи дека се преселила во „сладок нов стан“ во Западен Лондон и планира да „напише нова музика“ – таа дури и навести на претстојниот албум и светска турнеја.
Во текот на нејзината кариера, Шинејд О’Конор има издадено 10 студиски албуми. Таа се прослави во 1990 година со нејзината песна Nothing Compares 2 U. На доделувањето на Билборд музичките награди во 1990 година, песната беше прогласена за број еден сингл ширум светот.
