Изборот за Мис Универзум 2025 е закажан за овој петок во Тајланд, а сега хрватската претставничка Лаура Гњатовиќ, се огласи од Бангкок и откри дека не е сè толку гламурозно како што изгледа.
„Дури и работата во одделот за итни случаи не ми е толку тешка. Доволно е тешко затоа што сум во високи потпетици цел ден. Нозете ми се завиткани со завој, ова се рани, тоа се две недели постојано одење во потпетици. Единствениот пат кога сум без потпетици е во мојата соба, и тоа е неколку часа навечер и тоа е тоа, па темпото е тешко, снимања, фотографирање… Целиот ден е навистина резервиран од почеток до крај“, изјавила Лаура за Нова ТВ.
Откако порталот „Мисологија“, кој анализира избори за убавина, ја смести Лаура меѓу трите најголеми фаворити на натпреварот, светските медиуми постојано пишуваат за неа.
