Српската пејачка Констракта, која оваа година ја претставуваше Србија на изборот за песна за Евровизија, на својот инстаграм-профил напиша дека била предложена за номинација од страна на еден од членовите на Националната академија за запис на звукот и умтностите на САД.
„Да го видиме тоа Греми“, напиша Констракта на Инстаграм.
Но, номинацијата сепак не е сигурна, бидејќи Ана Ѓуриќ треба да собере доволно гласови од страна на жири-комисијата за да добие номинација во една од категориите.
Моментално е во тек првиот круг на гласање, кој трае до 23 октомври, а списокот со сите номинирани музичари ќе биде објавен во ноември.
View this post on Instagram
