Чешкиот писател Милан Кундера почина на 95-годишна возраст, јави денеска чешката национална телевизија.
Breaking News: Milan Kundera, the author of “The Unbearable Lightness of Being” and a Communist Party outcast in Czechoslovakia, died at 94.https://t.co/AvQasG7PO9 pic.twitter.com/xkMIhrTv5l
— The New York Times (@nytimes) July 12, 2023
Милан Кундера е роден во Брно во 1929 година. Дипломирал во 1948 година во родниот град, а потоа се запишал на Филозофскиот факултет на Карловиот универзитет во Прага. Завршил неколку семестри, ги прекинал студиите, но остана секогаш приврзан за филозофската литература. Студирал музичка композиција кај познатиот професор Вацлав Капрал. Самиот компонирал во младоста. Ова искуство значително ќе влијае на неговите романи. Во 1958 година, Кундера дипломирал на Филмската академија каде што студирале многу познати филмски режисери и уметници. На Филмската академија предаваше светска литература како асистент и доцент.
Како писател и интелектуалец, тој беше вклучен во широкото движење на чешки и словачки интелектуалци, познато како Прашка пролет. Неговиот настап на чехословачкиот писателски конгрес во 1967 година доби голем одзив. Беше истакнат соработник, заедно со познатиот филозоф Карел Косик, на познатиот Прашки литературен весник. По задушувањето на Прашката пролет и окупацијата на Чехословачка на 21 август 1968 година, Кундера беше како да е непостоечка личност во својата татковина. Само две негови книги – романот Шала и збирката раскази Смешна љубов – ја видоа светлината на денот во Чехословачка до 1970 година, кога биле повлечени од книжарниците и библиотеките.
Во 1975 година, Кундера ја прифати поканата на француските интелектуалци кои го поддржаа да биде визитинг професор на факултетот во Рен. Романите на Кундера доживеаја светски успех. Во серија полемички интервјуа и демонстрации кои имаа големо влијание во Франција и во светот, Кундера говореше предизвикувачки за важни историски и општествени теми. Поради неговата литературна, но и активистичка дејност, комунистичките власти во Чехословачка му го одзеле државјанството во 1978 година.
Цели дваесет години, од 1970 до 1990 година, Кундера беше забранет во својата татковина. Во текот на тие дваесет години, неговите раскази и романи беа објавени во странство, во Канада, дури и на чешки јазик, а добија и француски преводи и станаа бестселери во Париз. Тие се преведени ширум светот во големи изданија. Писателот почитуван познат ширум светот во исто време беше забранет и замолчен во неговата татковина.
Во текот на тие долги дваесет години, Милан Кундера ја најде својата нова, втора татковина во Франција. Во 1981 година доби француско државјанство, но решително ја одби етикетата „дисидент“ што новинарите се обидоа да му ја закачат. Секако, во неговиот случај „културната асимилација“ беше значаен дел од неговата книжевна поетика.
Кундера беше многу читан во поранешна Југославија, а беа објавени неговите собрани дела.
