Хана Цигој, ќерката на водителката Николина Пишек и Марко Цигој, се најде во центарот на скандал откако не се појави на судењето во Општинскиот суд во Сплит, каде што требаше да сведочи во постапката против Роко Гале, обвинет за кражба на луксузен накит, часовници и десетици илјади евра од вила во Каштели. Поради последователното недоаѓање, судијката Јасенка Павловиќ ѝ изрече парична казна од 1.500 евра и издаде налог за нејзино полициско приведување од нејзината адреса во Загреб.
Одбраната на Хана доставила оправдување од италијански факултет со кое нејзиното отсуство се поврзува со студиските обврски во Милано, но судијката одби да го прифати бидејќи документот немал официјален печат ниту соодветна потврда.
Случајот датира од летото 2020 година, кога Николина Пишек и нејзиниот покоен сопруг Видое Ристовиќ престојуваа во изнајмената вила од каде што исчезнаа скапоцености вредни стотици илјади евра — меѓу кои часовници „Rolex“, „Pierre Kunz“ и „Cvstos“, дијамантски накит „Cartier“ и „Chopard“, како и најмалку 63.000 евра во кеш. Додека обвинетиот Роко Гале ги отфрла сите обвиненија, судскиот процес продолжува со обиди конечно да се обезбеди присуството на клучните сведоци.
