Кејт Мидлтон ретко зборува за мајката на нејзиниот сопруг, принцезата Дијана. За време на нејзината посета на Велс, таа носеше дискретен прстен, а еден обожавателите ја праша дали тоа е прстенот на Дијана.
Таа потврди и додаде дека не морала да го приспособува, зашто ѝ е токму величината на прстенот.
„Тој е сосема со иста големина и за мене е многу посебен. За мене е голема чест да го носам, но за жал немав можност да ја запознаам“, рече Кејт, а пренесува Дејли Мејл.
Принцезата додала и дека мисли дека „Дијана би била прекрасна баба“ на нејзините деца, и дека на кралското семејство му недостига.
„Никогаш немав шанса да ја запознаам, на семејството таа ни недостига секој ден“.
Потсетуваме, во 2010 година, принцот Вилијам се вери со принцезата Кејт подарувајќи ѝ прстен од 12 карати со 14 дијаманти.
